ഡിസ്ലെക്സിയ എന്ന രോഗാവസ്ഥയോട് പ്രധാനമന്ത്രി നരേന്ദ്രമോഡി സമീപിച്ച രീതി രാജ്യമെമ്പാടും വലിയ ചർച്ചയായിരിക്കുന്നു. താരേ സമീൻ പർ എന്ന ആമിർ ഖാൻ സിനിമയിലൂടെ നമുക്കെല്ലാം സുപരിചിതമായ ആ രോഗാവസ്ഥ പഠനവൈകല്യം തന്നെയാണ്. വിദ്യാർത്ഥികളുമായി വീഡിയോ സംവാദത്തിൽ ഏർപ്പെട്ട നരേന്ദ്രമോഡി ഒരു പെൺകുട്ടിയിൽ നിന്ന് ഉയർന്ന ഡിസ്ലെക്സിയ സംബന്ധിച്ച ചോദ്യത്തോട് പ്രതികരിക്കവേയാണ് തികച്ചും നിലവാരം കുറഞ്ഞ തമാശ പറഞ്ഞത്. ഒരു പ്രധാനമന്ത്രിയിൽനിന്ന് ഒരിക്കലും പ്രതീക്ഷിക്കാത്ത വിധത്തിൽ.
